Ang Enrollment sa UP Visayas Miami

Alam niyo, kung ikukumpara ang nagdaang mga registration days ng unibersidad, ngayon ko lang nakita na animo’y walang enrollment na nagaganap sa mga araw na itinakda ng University Registrar…

Saan na kaya nagsipunta ang mga estudyante?

Welcome CRISIS este CRS-IS
Kung tutuusin, ngayon pang senior year at huling semestre ko pa sa unibersidad ako nakatikim ng animo’y halos paraiso sa pag-enroll. Hindi ko na kailangang mangarag o tatakbo dahil mauubusan ng slot sa subject na kukunin ko. Bago pa mag-sem break naka-confirm na ang karamihan sa mga estudyante dahil sa Online na ang registration dito sa UPV! Opo, salamat naman at bago man lang ako makagraduate e nakatikim pa ako nitong ipinagmamalaki ng UPV!

Computerized Registration System (ewan ko kung ano yung IS sa huli, siguro para na rin may distinct character na rin ang online registration ng UPV sa UP Diliman.

Kung tutuusin, nasa pre-registration na ang paghahagulgol ng isang estudyante sa slots dahil naka-schedule ang bawat year level ng bawat araw. Suwertehin ka na lang kung ang mga popular na subjects tulad ng Psychology ay may bakante pa tapos huling araw ka pa ng pre-registration.\

Marami sa amin ang na-wait list, ah ayan ang delikado kung hinayaang bukas ang subject sa ibang kurso. Ang mga Psych pips ang nababalitaang pinaka-kawawa dahil kung minsan sila pa ang nauubusan ng sarili nilang slots sa sarili nilang Psych majors dahil maraming gustong kumuha nito, popular kasi.

Kung tutuusin, sa palagay ko malaki ang ikinaunlad ng enrollment dahil na rin dito. Magpapaconfirm ka na lang sa internet pa! Kahit sembreak, hindi mo na kailangang bumalik pa at maubusan ng slots dahil unconfirmed ka. Kaya karamihan siguro sa aming mga mag-aaral, kampante ng di bumalik ng maaga sa eskwelahan dahil tutal, confirmed na kami, kadalasan wala pang klase ang mga unang araw, sayang ang bakasyon.

Napansin ko nga ang daming nagpa-late registration. Wow! Hindi mahaba ang pila sa cashier ngayon di tulad noon na ga-milya pa ang haba!

Pero kahit papaano, may nakikita pa ring mga sira ang nasabing sistema. Tulad ng sa akin, kahit maka-ilang beses ko pang pinindot ang “Confirm” sa mga subjects ko, ayaw mag-confirm. Andun pa rin ang magulong sistema ng pagsasa-ayos ng linya sa confirmation section ng regsistration. At ang pinaka-malala sa lahat (kahit alam natin na hindi natin hawak ito), ang walang-hiyang patay-sinding sitwasyon ng kuryente sa Miagao! Brownout ang buong mag-hapon na naging sanhi sa delays o pagka-abala ng proseso ng enrollment! Kailangan pang bumalik sa ibang araw para lang matapos! Sana naman, ginarantiya ang maayos na lakad ng registration system.

Kaya sa susunod, sana naman may-generator na pag-enroll. Hindi lang sya nakasisisra sa mga kompyuter, nakakasira pa ng araw ng estudyante at marahil pati na rin si Mam Gigi at ang kanyang staff at iba pang College Secs sa unibersidad. Siguro yan ang dahilan kung bakit ayaw i-computerize ang eleksyon dito sa Pilipinas. Dahil alam naman nating malawakan ang dayaan dito!

Kahit papaano, nakapag-enroll na rin ako. Nawa’y ang mga nakitang depekto sa nakaraang enrollment ay maisa-ayos sa lalong madaling panahon.