Silip-Piring

July 4, 2006

Sa likod ng kamera, tulad ng mata…kinukuha nito ang imahen ng realidad at pantasya. Sa ngayon, ayoko nang paliguy-liguy pa.

Nais ko sanang malaman kung ano ang bastos sa hindi kung realidad ang pag-uusapan. Sa nangyari sa I-witness sa nakaraang nitong dokyu na ukol sa isang ritwal sa Laguna na gumagamit ng phallic symbols o yung mga simbolo na nagsasalarawan ng ari ng lalaki. Kung ikaw ay ang tipong konserbatibo na may mag-kakitid ng pag-iisip, baka mabigla ka at akusahan itong pornograpiya…kahit ito’y isina-dodokyu lang o nirerekord lang. Isang tradisyon na animo’y bastos sa mayorya ng populasyon ng Pilipinas, na sinusundan ng kakaunti sa Laguna.

Ang hindi ko lang makuha ay kung bakit masyadong hipokrito ang ating lipunan pagdating sa mga isyung tulad nito. Kung tutuusin, halos binobomba nga ang mga sinehan ng walang kwentang palabas o di kaya ang mga telebisyon na sobra-sobrang entertainment animo’y nakalimutan na nila ang social responsibilities nila para mag-paalam sa lipunan. Kung bakit ba naman napunta pa sa mga lugar sa timeslots ang mga palabas na may kwenta.

Sa palagay ko, kung naipalabas ito o kung ano mang dokyu na "bastos" sa ating mga censors sa labas ng bansa o nasa Discovery o National Geographic, baka umani pa ito ng palakpak mula sa mga kritiko. Baka i-rekomenda pa ito sa mga estudyante! Bakit nga ba ang daming hipokrito sa Pilipinas!

At para sa tradisyon, masaklap na realidad na hindi pa handa ang mayoryang Pilipino, lalo na ang mga konserbatibo at mga hipokrito sa mga realidad o mga tradisyong "kakaiba". Tradisyong tila kinokondena ng nakararami. Kung ako ang nasa posisyon ng mga nagsasabuhay ng tradisyon na yun, pakiramdam ko rin na ako’y inaakusahan na baliw o heretic o sumasamba kay Satanas! Ano bang mas masahol, ang mga taong sumusunod sa tradisyon o ang mga hipokrito?

Katotohanan ang dala ng pag-dodokyu. Hindi madaling gumawa ng isang dokyu, kung tutuusin pati buhay mo nakasanla pa. Dala nito ay ang pagsasamulat ng mga realidad na nasa paligid ng tao. Makita ang mga tradisyon at kultura na animo’y nakalimutan na. Ang masaklap at masayang pag-mumukha ni Juan de la Cruz.

Masaklap lang talaga na marami lang hipokrito sa ating lipunan…

Masaklap rin na pinatatahimik rin ang mga mamamahayag sa Pilipinas na animo’y isang di nakikitang kamay. Realidad na masaklap, tila hanggang sa panaginip na lang ang katotohanang ating natatamasa.

Mactan Bridge sa Cebu

Marcelo Fernan Bridge stimulated economic growth in Mactan. Reliving Lapu-Lapu’s bottleneck situation in the two-laned old Mactan Bridge, it served as a vital part in Cebu’s economy.